Ненад Рафајловски
Гостивар, Македонија

Повеќе информации за мене лично (не знам зошто би ве интересирале, но...) можете да видите на мојата страница.
Во врска со акваристиката:
Со ова хоби се занимавам едно 10-тина години, со подолги паузи во меѓувреме, а во последниве неколку години активно.

Омилен тип на аквариум ми е комбиниран биотоп густо засаден со растенија.
Галерија (Ненад)

Моја "потесна специјалност" се скаларите, кои едно време ги размножував, а од пред некое време ги немам, така што сега чекам мрест од скаларите на Дане за да си ја обновам популацијата.
Во меѓувреме, можете да ги погледнете моите страници на кои се опишани моите искуства околу одгледувањето и мрестот на скаларите.

• Формирање на парови
• Мрест
• Одгледување на подмладокот

Доколку ви е потребен само текстот (од сите 3 страни заедно), можете да го видите на страницата: Скалари-текст

Во последно време повеќе внимание посветувам на одгледување на повеќе видови циклиди: Herotilapia multispinosa, Archocentrus sajica (американски циклиди), и Steatocranus casuarius и Pelvicachromis pulcher (африкански циклиди). Сите овие видови кај нас се релативно непознати и ретко се одгледуваат, па тешко може и да се најдат (казуариусите и саиките ги набавив од Белград, а крибензисите ми се од Дане, кој исто така имаше доста проблеми додека ги набави нивните родители). Од мултиспинозите имам неколку успешни мрестови и голем број млади, така што ако сте заинтересирани... повелете, за посетителите на сајтов се бесплатни! :)
Наскоро на сајтот ќе бидат детално опишани нивното одгледување и мрест.
Други видови кои ги сметам за атрактивни за одгледување: Лавиринтки(Anabantidae, Belontidae), што значи: Трихогастери, борци, колиси, макроподи.
Моментално имам два активни аквариуми (покрај уште неколкуте помали кои ми служат за мрест). Во едниот аквариум (оној кој можете да го видите во галеријата) се наоѓаат брзи јатни риби - барбуси, тетри, палмери, серпи. Покрај нив има неколку коридораси (Coridoras aeneus) и пар анциструси со 4-5 нивни потомци.
Во другиот аквариум се наоѓаат погоре споменатите циклиди. Покрај нив има и пар торакатуми и 3-4 анциструси.
Други видови околу чие одгледување и мрест имам лични искуства се: трихогастер (Trichogaster trichopterus), зебри (Danio rerio), коридораси (Corydoras paleatus и Corydoras aeneus), анциструси (Ancistrus dolycopterus), торакатуми (Hoplosternum thoracatum), како и мрестови на уште некои видови кои не успеале поради лош квалитет на водата.